Afgreiðslufundur skipulags- og byggingarfulltrúa

B-hluti skipulagserindi

• 1208395 – Holtsgata 21.merkja bílastæði

  Miroslav Bartlewski sækir þann 23.08.2012 um leyfi fyrir merktum bílastæðum á tveim stöðum. Meðfylgjandi er teikning sem sýnir staðsetningu stæðanna ásamt fylgigögnum frá fasteignasölunni Ás um eignina.

  Skipulags- og byggingarfulltrúi vísar erindinu til umsagnar Umhverfis-og framkvæmdasviðs.

• 1208290 – Klukkuvellir 4, deiliskipulagsbreyting

  Tekin fyrir umsókn Haghúsa ehf dags 21.08.12 um breytingu á deiliskipulagi lóðarinnar.

  Skipulags- og byggingarfulltrúi vísar erindinu til Skipulags- og byggingarráðs.

• 1208291 – Klukkuvellir 6, breyting á deiliskipulagi

  Fjárhagsáætlun skipulags- og byggingarsviðs 2012

  Skipulags- og byggingarfulltrúi vísar erindinu til Skipulags- og byggingarráðs.

• 1208292 – Klukkuvellir 8, breyting á deiliskipulagi

  Fjárhagsáætlun skipulags- og byggingarsviðs 2012

  Skipulags- og byggingarfulltrúi vísar erindinu til Skipulags- og byggingarráðs.

• 1208420 – Hverfisgata 52b, fyrirspurn

  Óli Örn Eiríksson leggur 24.08.12 fram fyrirspurn um að breyta bílskúr,breyta kvistum, byggja garðskála. Nánari lýsing á fyrirspurnarblaði.

  Skipulags- og byggingarfulltrúi óskar eftir umsögn Húsafriðunarnefndar.

• 1208453 – Helluhraun 16-18, fyrirspurn

  Gestur Ólafsson arkitekt leggur inn fyrirspurn fyrir hönd Eikar fasteignafélags dags. 21.8.2012 um tillögu að skipulagi lóðar við Helluhraun 16-18 ásamt greinagerð og uppdráttum dags. 16.8.2012.

  Skipulags- og byggingarfulltrúi vísar erindinu til umsagnar Umhverfis-og framkvæmdasviðs.

• 1105490 – Hrauntunga 24, göngustígur

  Á afgreiðslufundi þann 1. júní 2011 var lóðarhafa gert að fjarlægja lokað hlið við göngustíg. Komið hefur í ljós að hliðið er ennþá á umræddum stað og lokar þar með gönguleið barna á leið í skóla. Deiliskipulag gerir ráð fyrir deiliskipulagi á þessum stað.

  Skipulags-og byggingarfulltrúi ítrekar fyrri bókun og bendir því til lóðarhafa að fjarlægja hliðið án tafar. Ef hliðið verður ekki farið innan 3 vikna mun skipulags-og byggingarfulltrúi leggja á dagssektir á eigenda skv. 56. gr. laga um mannvirki nr. 160/2012.

A-hluti byggingarleyfa

• 1206174 – Skútahraun 2, Loftnetssúla

  Fjarskipti ehf sækja 13.06.12 um að setja loftnetssúlu og kapalstiga á Skútahraun 2, samkvæmt teikningum Gauts Þorsteinssonar dagsettar 07.06.12. Samþykki eigenda Skútahrauns 2 og 2a, barst 29.8.12.

  Skipulags- og byggingarfulltrúi samþykkir erindið í samræmi við lög um mannvirki nr. 160/2010.

• 1208475 – Tjarnarbraut 25, byggingarleyfi

  Magnús I Einarsson sækir 28.08.12 um leyfi fyrir nýjum stiga, breyting á innra skipulagi og útlitsbreytingu á austur og vesturhlið hússins samkvæmt teikningum Arnars Þórs Jónsonar dags. 21.08.12. Undirskriftir nágranna fylgja með.

  Skipulags- og byggingarfulltrúi samþykkir erindið í samræmi við lög um mannvirki nr. 160/2010.