Forvarnarnefnd

Almenn erindi

• 0810247 – Forvarnadagurinn 2008

  Þann 6. nóvember er Forvarnardagurinn 2008 sem haldinn er að frumkvæði forseta Íslands í samvinnu við ýmsa aðila, s.s. Íþrótta- og Ólympíusamband Íslands Samband íslenskra sveitafélaga, Háskólann í Reykjavík o.fl. %0D %0DEitt af markmiðum þessa dags er að virkja nemendur, skóla og samfélagið í heild í baráttunni gegn fíkniefnum. Eins og á síðasta ári verður staðið fyrir sérstakri dagskrá og verkefnavinnu í 9. bekkjum grunnskóla landsins. Dagurinn í ár verður haldinn fimmtudaginn 6. nóvember og verður dagskráin á svipuðum nótum og í fyrra þar sem áhersla er lögð á þrjú megin viðfangsefni:%0D• Samveru%0D• Íþrótta- og æskulýðsstarf%0D• Hvert ár skiptir máli – afleiðingar áfengisneyslu%0D%0DTilgangurinn er að fá fram sjónarmið unglinganna sjálfra, hlusta á skoðanir þeirra og reynslu og nýta þá vitneskju til góðra verka.%0D

  Hafnarfjarðarbær og sérstaklega grunnskólarnir taka fullan þátt í verkefninu.%0D%0DForvarnafulltrúa er falið að skoða í samstarfi við skóla og foreldrafélög möguleika á að tengja 10. bekkinn í Hafnarfirði betur við Forvarnadaginn.

• 0810205 – Samfélagssjóður, styrkur

  Samfélagssjóður Alcan styrkir forvarnanefnd, lýðræðis- og jafnréttisnefnd og íþrótta- og tómstundanefnd vegna rannsóknar og verkefnaáætlunar er miðar að því að skoða aðgengi barna innflytjenda í íþrótta- og tómstundastarf í Hafnarfirði.%0D

  Samfélagssjóði er þakkað fyrir stuðninginn.

• 0809116 – Foreldrarölt

  Haldin var fyrr í mánuðinum fundur með fulltrúum foreldrafélaga flestra grunnskóla bæjarins. Þar kom fram einhugur fundarmanna að stefna að því að hafa foreldrarölt í öllum skólahverfum bæjarins.

• 0801172 – Forvarnanefnd, húsnæðismál

  Skoðaðir eru möguleikar á að flytja Gamla bókasafnið í annað húsnæði. Forvarnafulltrúi gerði grein fyrir stöðu málsins.

• 0810257 – Hópamyndun í miðbæ

  Síðustu helgar hefur átt sér stað hópamyndun ungs fólks 14-17 ára í miðbæ Hafnarfjarðar eftir að útivistartíma lýkur.%0D%0DLögregla, foreldraröltið, ÍTH og Götuvitinn hafa unnið saman að því að breyta þessu ástandi.

  Forvarnanefnd leggur á það sérstaka áherslu að foreldrar og unglingar virði útivistartímann og hvetur alla aðila til að vinna saman að því að sporna gegn hópamyndun unglinga í miðbæ eftir að útivistartíma lýkur.

• 0810290 – Starfsáætlun 2009

  Kynnt drög að starfsáætlun forvarnastarfsins, Gamla bókasafnsins og Músik og mótors vegna ársins 2009.

• 0809308 – Jafnréttismál, skipan starfshóps

  Vegna rannsóknar á hlutfallslegri fækkun stúlkna í íþrótta- og æskulýðsstarfi í Hafnarfirði milli ára er búin til starfshópur. Starfshópnum er ætlað að standa fyrir rannsókn og gerð skýrslu um málið. Óskað er eftir fulltrúa forvarnanefndar í hópinn. %0D

  Forvarnanefnd skipar Helenu Mjöll formann forvarnanefndar sem fulltrúa forvarnanefndar í starfshópinn.