Menningar- og ferðamálanefnd

Almenn erindi

• 0710073 – Byggðasafn Hafnarfjarðar

  Björn Pétursson mætti til fundarins og gerði grein fyrir nýjungum í starfsemi safnsins á afmælisári.

  Farið yfir verkefni Byggðasafns, m.a. jarðsjármælingu á Hvaleyri, örnefnaskráningu, sýningar sumars og hin nýju hús í umsjá safnsins; Beggubúð, Bungalow og Gúttó.

• 0704069 – Menningarstefna Hafnarfjarðarbæjar. Endurskoðun stefnu.

  Rætt um málþingið “Menningarstefnur sveitarfélaga – marklaus plögg eða tæki til framfara” sem haldið var á Akureyri þann 22. maí sl. og hvernig það muni nýtast við endurskoðun menningarstefnu Hafnarfjarðar sem fyrirhuguð er með haustinu. Tveir fulltrúar í nefndinni ásamt menningar- og ferðamálafulltrúa sátu málþingið.%0D%0D

• 0804193 – Listaverkakaup, lán

  Greint frá því hvernig Akureyrarbær og Kópavogur hafa staðið að listaverkalánum og hvaða áhrif slík lán hafa á listaverkasölu.

  Nefndin tók jákvætt í fyrirkomulag listaverkalána og fól menningar- og ferðamálafulltrúa að kanna ennfrekar áhuga hjá bönkum og þau lánakjör sem bjóðast.

• 0803068 – Víðistaðatún, þjónustuhús tjaldstæðis

  Greint frá því að Fasteignafélag Hafnarfjarðar stefnir að því að nýtt þjónustuhús tjaldsvæðis verði komið í notkun þann 25. júní nk.

  Nefndin leggur áherslu á að þessi tímasetning á gangsetningu þjónustuhúss standist og verði auglýst til að tryggja hámarksnýtingu tjaldsvæðis það sem eftir lifir sumars.

• 0803037 – Starfsáætlun Fjölskyldusviðs

  Lögð fram til kynningar starfsáætlun Fjölskyldusviðs.

• 0806021 – Hafnarfjarðarleikhúsið, ársskýrsla og árssreikningur 2007.

  Reikningur og skýrsla lögð fram.

  Óskað eftir álitsgerð frá fjármálastjóra bæjarins og að hann yfirfari reikninginn.