Blönduð byggð í úthverfi Hafnarfjarðar

Gert er ráð fyrir blandaðri byggð með mismunandi áherslum eftir staðsetningu. Áhersla er lögð á verslun og þjónustu ásamt skrifstofum við breiðgötur og borgargötur. Við vistgötur eru íbúðir að hluta til einnig á jarðhæðum. Hraun vestur afmarkast af Reykjavíkurvegi, Fjarðarhrauni og Flatahrauni. Landnotkun og uppbygging reitsins tekur mið af verslun, þjónustu og íbúðarsvæði.

7 hverfi

Reiturinn skiptist í 7 hverfi. Rammaskipulag fyrir reitinn var samþykkt 15. ágúst 2018. Gert er ráð fyrir að hverfin byggist upp í áföngum á 15–20 árum. Deiliskipulag hefur verið samþykkt fyrir fyrsta hverfið: Gjótur (490 íbúðir). Lögð hefur verið inn umsókn um deiliskipulag hverfis 3: Hjallar. Tillagan er afrakstur vinnu Teiknistofu Arkitekta og Krads arkitekta.

Hlutverk rammaskipulags er að gefa leiðbeinandi heildarsýn um þróun skipulagssvæðisins en hefur ekki lögformlegt gildi. Í kjölfar verða afmarkaðir áfangar deiliskipulagðir. Þá eru endanlegar útfærslur, landnýting og byggingarmagn lögformlega ákvarðaðar.