Hafnarfjarðarbær auglýsir eftir verkstjóra í Vinnuskóla Hafnarfjarðar 

Vinnuskólinn óskar eftir metnaðarfullum og ábyrgum einstaklingum til að gegna stöðu verkstjóra á vettvangi í sumar. Starfið er tímabundið og varir í 2–4 mánuði á tímabilinu maí/júní til júlí/ágúst.

Um er að ræða skemmtilegt starf með ungu fólki. Verkstjórar Vinnuskólans eru næstu yfirmenn flokkstjóra sem leiða hópa ungmenna í fjölbreyttum verkefnum sem tengjast umhirðu bæjarins og tiltekt. Vinnuskólinn hefur um 30 flokkstjóra yfir sumarið og veitir rúmlega 1000 ungmennum á aldrinum 14–17 ára sumarvinnu og starfsreynslu. 

Helstu verkefni og ábyrgð:

• Skipulagning vinnu í Vinnuskólanum
• Almennt utanumhald og stuðningur við störf flokkstjóra Vinnuskólans
• Önnur verkefni samkvæmt starfslýsingu og sem yfirmaður felur starfsmanni

Hæfniskröfur:

• Reynsla af sambærilegu starfi kostur
• Reynsla af starfi með börnum og unglingum
• Þekking á verkstjórn og garðyrkjustörfum kostur
• Lipurð í samskiptum, sveigjanleiki og samstarfshæfni
• Frumkvæði og sjálfstæði í vinnubrögðum
• Almenn tölvukunnátta

Ef þú hefur áhuga á að vinna í líflegu og gefandi starfsumhverfi þar sem þú færð tækifæri til að hafa jákvæð áhrif á unga einstaklinga, þá hvetjum við þig til að sækja um!

Gerð er krafa um að viðkomandi sé með hreint sakavottorð. Umsækjendur skulu vera 21 árs eða eldri.

Umsóknarfrestur er til og með 11. mars 2026

Nánari upplýsingar um starfið veitir Tinna Rós Steinsdóttir, rekstrarstjóri íþrótta- og tómstundamála, tinnas@hafnarfjordur.is 

Laun eru samkvæmt kjarasamningi Sambands íslenskra sveitarfélaga við Verkalýðsfélagið Hlíf.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins